कु भग्यान होलू डांडयू मा यन भाली बांसुरी बजाणु बजाणु रे होलू क्वी बिचरु मी जणु नखरयाली बांद रिझाणु रिझाणु रे

कु भग्यान होलू डांडयू मा
यन भाली बांसुरी बजाणु बजाणु रे
कु भग्यान होलू डांडयू मा कु भग्यान
होलू क्वी बिचरु मी जणु
नखरयाली बांद रिझाणु रिझाणु रे
होलू क्वी बिचरु मी जणु होलू क्वी
 
फूल हम थें देख देखी पुतलों सनकाणा छीन
पुतलों सनकाणा छीन
भोंरा देखदी जे कैमा छुई हमरी लगाणा छन
को बेशरम होलू तों सणि
तेरी मेरी माया बिंगाणु बिंगाणु रे
होलू क्वी बिचरु मि जनु होलू क्वी

ये  डाँड़ी बच्याणि होली की डाली बोटी गाणी होली
डाली बोटी गाणी होली
रसीला गीतों की भोण कख भटी आणी होली
क्व़ा घसेर होली रौल्यूं मा
अपडा सोजणया थे भट्याणी भट्याणी रे   
होली क्वी बिचारी में जनी होली क्वी 

मनमा बसाई मेरी क्व़ा होली दुनिया से न्यारी 
क्व़ा होली दुनिया से न्यारी
अंखियो मा लुकाई बोल क्व़ा होली हिया की प्यारी
को बेमान होलू बोला दी
लगदू जो आफू से भी स्वाणु स्वाणु रे
होलू क्वी बिचारु मे जनू होलू क्वी 
कु भग्यान होलू डांडयू मा
यनी भली बांसुरी बजाणु बजाणु रे
कु भग्यान होलू डांडयू मा कु भग्यान
होलू क्वी बिचारु मे जनू
नखरयाली बांध रिझाणु रिझाणु ए 
होलू क्वी बिचारु मे जनू होलू क्वी
 
SONG LINK:
https://www.youtube.com/watch?v=9l3W69z6ETM
 

 
 
KARAOKE LINK:

https://youtu.be/VYcQZDSI20g