हे मेरी आंख्यूं का रतन बाला स्ये जादी बाला स्ये जादी

हे मेरी आंख्यूं का रतन बाला स्ये जादी
बाला स्ये जादी
दूध भाती दय्योलु त्वे थैंन बाला स्ये जादी 
हे बाला स्ये जादी
हे मेरी आंख्यूं का रतन बाला स्ये जादी 
बाला स्ये जादी
बाला स्ये जादी बाला स्ये जादी
 
मेरी औंखुड़ी पौन्खुड़ी छैइ तू मेरी स्याणी छै गाणी
मेरी स्याणी छै गाणी
मेरी जिकुड़ी उकुड़ी व्हेल्यु रे स्येजा बोल्यु माणी
स्येजा बोल्यु माणी
ना हो जिदेरू ना हो बाबू जन बाला स्ये जादी
दूध भाती दय्योलु त्वे थैंन बाला स्ये जादी
 
तेरी गुंद्क्यली ह्त्यु कि मुट्ठ्युं मा मेरा सुखी दिन बुज्यान
मेरा सुखी दिन बुज्यान
तेरी टुरपुरी तों बाली आंख्युं मा मेरा सुपिन्या लुक्याँन
मेरा सुपिन्या लुक्याँन
मेरी आस सांस त्वेमा ही छन बाला स्ये जादी
हे मेरी आंख्यूं का रतन बाला स्ये जादी
 
हे पापी निंद्रा तू कख स्येयीं रैगे आज
स्येयीं रैगे आज
मेरी भांडी कुण्डी सुचणी रैगेनी 
घर बणों काम काज घर बणों काम काज
कब तै छट्योंलू क्या कन क्या बनबाला स्ये जादी
दूध भाती दय्योलु त्वे थैंन बाला स्ये जादी
 
घत सार सारी कि पाणी लै गेनी 
पंदेरों भटी पंदेनी पंदेरों भटी पंदेनी
बणु पैटी गेनी मेरी धौड़या दगड्या 
लखङ्वैनी घसैनि लखङ्वैनी घसैनि
क्या करूं क्या नि करूं जतन बाला स्ये जादी
हे मेरी आंख्यूं का रतन बाला स्ये जादी
 
घर बौडू  नि व्हायु जू गै छौ 
झूरै कि मेरी जिकुड़ी झूरै कि मेरी जिकुड़ी
बिसरी जांदू वीं खैरी बिपदा 
हेरी कि तेरी मुखड़ी हेरी कि तेरी मुखड़ी
सम्लौ ना वो बथ वो दिन बाला स्ये जादी
दूध भाती दयोलु त्वे थैंन बाला स्ये जादी
बाला स्ये जादी बाला स्ये जादी 
बाला स्ये जादी बाला स्ये जादी