रविवार, 1 अक्टूबर 2023

को ढुंगो नि पूजी मिल कै डांडा नि गौउं मी

को ढुंगो नि पूजी मिल कै डांडा नि गौउं मी
क्वा खैरी नि खाई भैजी त्वेमा क्या लगौउं मी
को ढुंगो नि पूजी मिल कै डांडा नि गौउं मी
क्वा खैरी नि खाई भैजी त्वेमा क्या लगौउं मी
 
बालापन मा ब्वे बाब मुख मोडी गैनि
बिराणी देल्यूं मा नांगू भुकु छोडी गैनि
ना आंसू पुझिन कैन न कैन बुथ्याउ मी
क्वा खैरी नि खाई भैजी त्वेमा क्या लगौउं मी
 
कुंगलि हाती खुटि उणेंदी आंख्यूं लेकि
बिराणा भांडा मंजैनी अध पेटु खैकि
ये पेट का बाना सारा सरि बडू होंऊ मी
क्वा खैरी नि खाई भैजी त्वेमा क्या लगौउं मी
को ढुंगो नि पूजी मिल कै डांडा नि गौउं मी
क्वा खैरी नि खाई भैजी त्वेमा क्या लगौउं मी
 
न ढकेण न डिसाण पूष मौ कि रात
बरखा बत्वाणी भैजी जंगलु कु बास
माँजी कि निवाति कोली खोजदा रै ग्यौं मि
क्वा खैरी नि खाई भैजी त्वेमा क्या लगौउं मी
 
को रचलु ईं दुनिया को लेखलु भाग
को करदु होलु आँखा बूजी कि निसाब
लोग रवे नि पाणी का आँसू ल्वे का आँसू रोऊं मी
क्वा खैरी नि खाई भैजी त्वेमा क्या लगौउं मी
को ढुंगो नि पूजी मिल कै डांडा नि गौउं मी
क्वा खैरी नि खाई भैजी त्वेमा क्या लगौउं मी
 

SONG LINK:
KARAOKE SONG:


पर
लेबल:

कोई टिप्पणी नहीं:

एक टिप्पणी भेजें

सदस्यता लें टिप्पणियाँ भेजें (Atom)

रोग पुराणु कटे ज़िन्दगी नई ह्वैगे तेरु मुल मुल हैंसुणु दवई ह्वैगे

संगीत ...................................... १२३ रोग पुराणु कटे ज़िन्दगी नई ह्वैगे रोग पुराणु कटे ज़िन्दगी नई ह्वैगे नई नई ह्वैग...