ईखमा छवी उखमा छवी

ईखमा छवी उखमा छवी जखमा देखा तकमा छवी
ईख मा छवी उख मा छवी उठ्दा बेठ्दा छवी छवी
ईखमा उखमा जखमा तखमा पूछा न अब क्या बून की कखमा
ईखमा छवी उखमा छवी जखमा देखा तकमा छवी
सुद बुद नि रेंद दिन रात की कन छुयांल व्हे तू बकी बात की
बकी बात की, कन छुयांल व्हे तू बकि बात की 
बकी बात की

तेल्या खोला कुटणु जांद  तेल्या खोला
तेल्या खोला कुटणु जांद, उर्खयाली मा छवी लगाद
मेरी गंज्यली रुकदी नि 
मेल्या खोला पिसणु जांद मेल्या खोला
मेल्या खोला पिसणु जांद रात बासा रेकी आंद 
मेरी जंदरी थकदी नि 
द्वी अंगुल की गिची गिची,अर जीभ डेढ हाथ की 
कन छुयांल व्हे तू बकि बात की 
बकी बात की, कन छुयांल व्हे तू बकि बात की 
बकी बात की

भुजी बणाद छ्वी लगांद भुजी बणाद 
भुजी बणाद छ्वी लगांद भुजी चूले मा फुके जांद 
चुला जुगदा ग्वोदडी भिन्डी 
रव्टी पकांद छ्वी लगांद रव्टी पकांद 
रव्टी पकांद छ्वी लगांद रव्टी तवे मा बिसरी जांद 
मेरी सग्योरा अब खा बिन्डी 
को भग्यान खालो खालो अजी खालो तेरा हाथ  की 
कन छुयांल व्हे तू बकि बात की 
बकी बात की, कन छुयांल व्हे तू बकि बात की 
बकी बात की

बणों मा कछ्डी लगांद बणों मा बणों मा कछ्डी लगांद 
पन्दरों मा पंचत बैठांद हे मेरी छुयू  भूखी रे गयूं 
बिज्याँ मात थो नि खांद बिज्याँ मा बिज्याँ मात थो नि खांद
नींद मा भी बच्याण रांद बरसों बटी  ऊणिद छोऊ 
सेणी खाणी  हरची हरची अजी हरची  दिन रात की 
कन छुयांल व्हे तू बकि बात की 
बकी बात की, कन छुयांल व्हे तू बकि बात की 
बकी बात की


छुयू बटी छवी निकलदी छुयू बटी  छुयू बटी छवी निकलदी 
गिची जन मशीन चलदी हे मेरी गिची क्या करू क्या करू 
दाड पीड़ा जिसे लेंद दाड पीड़ा  दाड पीड़ा जिसे लेंद
पर घडेक चुप नि रेंद हे मेरी बोई मुंडरु मुंडरु
क्या चीज रचिचा रचिचा रचिचा वे विधाता की 
कन छुयांल व्हे तू बकि बात की 
बकी बात की, कन छुयांल व्हे तू बकि बात की 
बकी बात की
ईखमा छवी उखमा छवी जखमा देखा तकमा छवी
ईख मा छवी उख मा छवी उठ्दा बेठ्दा छवी छवी
ईखमा उखमा जखमा तखमा पूछा न अब क्या बून की कखमा
ईखमा छवी उखमा छवी जखमा देखा तकमा छवी
सुद बुद नि रेंद दिन रात की कन छुयांल व्हे तू बकी बात की
बकी बात की, कन छुयांल व्हे तू बकि बात की 
बकी बात की

कख लगाण छ्वी केमा लगाण छ्वी

कख लगाण छ्वी केमा लगाण छ्वी
ये पहाड़ की कुमो गढ़वाल की
कख लगाण छ्वी केमा लगाण छ्वी
रीता कूडो की तीसा भांडो की -२
बगदा मन्ख्यो की रडीदा डाँडो की
ये पहाड़ की कुमो गढ़वाल की
कख लगाण छ्वी केमा लगाण छ्वी

सरीग तेरी आसा कब आलु चोमासा -२
गंगा जमुना जी का मुलुक मन की घोर प्यासा
कख लगाण छ्वी
क्या रूडी क्या ह्युंद पाणी निच बूंद -२
फिर बणी च योजना बल देखा अब क्या हुंद
कख लगाण छ्वी
रीता कूडो की तीसा भांडो की -२
बगदा मन्ख्यो की रडीदा डाँडो की
कख लगाण छ्वी केमा लगाण छ्वी
ये पहाड़ की कुमो गढ़वाल की
कख लगाण छ्वी केमा लगाण छ्वी

बैठ डूब्या दारू मा नोना टुन्न यारों मा-२
कज्यणी आंदोलन चलानी दफ्तर बाजारों मा
कख लगाण छ्वी
कच्ची गद्याना छानो मा पक्की खुली दुकानों मा-२
दारू का उद्योग खुल्याँ उकी मेरुबान्यो मा
कख लगाण छ्वी
रीता कूडो की तीसा भांडो की -२
बगदा मन्ख्यो की रडीदा डाँडो की
कख लगाण छ्वी केमा लगाण छ्वी
ये पहाड़ की कुमो गढ़वाल की
कख लगाण छ्वी केमा लगाण छ्वी

कुड़ी टूटणी ठेस मा छिपडा लग्यां रेस मा-२
भितर मूसा बिरला बस्याँ मन की भेर देश मा
कख लगाण छ्वी
न भितर न भेर कखी भी निच खेर-२
दिन मा बिज्यु बाग़ रात द्यौ जल की डेर
कख लगाण छ्वी
रीता कूडो की तीसा भांडो की -२
बगदा मन्ख्यो की रडीदा डाँडो की
कख लगाण छ्वी केमा लगाण छ्वी
ये पहाड़ की कुमो गढ़वाल की
कख लगाण छ्वी केमा लगाण छ्वी

जंगल घेर बाड मा खेती बाड़ी त्याड मा-२
सार खाई बांदरुन सगोड़ी गे उज्याडी मा
कख लगाण छ्वी
कर्ज गाडी पेसु थें मा अल्झू भेंसू 
गोर डूब्यां बाड़ मा सुखू पुडी एंसू 
कख लगाण छ्वी
रीता कूडो की तीसा भांडो की -२
बगदा मन्ख्यो की रडीदा डाँडो की
कख लगाण छ्वी केमा लगाण छ्वी
ये पहाड़ की कुमो गढ़वाल की
कख लगाण छ्वी केमा लगाण छ्वी

इक्ही ई पृथ्वी मा ये ही जनम मा देखी त छैंच कख देखी होली रूप सी बांद ज्वा बसीगे मन मा सुपन्यु व्हे होलू की बेम रे होलू

इक्ही ई पृथ्वी मा ये ही जनम मा
इक्ही ई पृथ्वी मा ये ही जनम मा
देखी त छैंच कख देखी होली
रूप सी बांद ज्वा बसीगे मन मा
रूप सी बांद ज्वा बसीगे मन मा
देखी त छैंच कख देखी होली
कख देखी होली
सुपन्यु व्हे होलू की बेम रे होलू
सुपन्यु व्हे होलू की बेम रे होलू

चोरी कखड़ी विराणी सगोड़ी की सी छे वा
चोरी कखड़ी विराणी सगोड़ी की सी छे वा
सवादी यानि की पेणा की पकोड़ी सी छे वा
पांडो का बोटू मा हिसर गुंद सी 
पिंडालु पातु मा ओस की बूँद सी 
कख देखी होली
सुपन्यु व्हे होलू की बेम रे होलू
सुपन्यु व्हे होलू की बेम रे होलू
ज्ज्वाना दीवाना की ब्यावा की गाणी सी छे वा
ज्ज्वाना दीवाना की ब्यावा की गाणी सी छे वा
रुड्यू का घामो मा छोया कू पाणी सी छे वा
बादलू बीच मा जूनी झलक सी 
ताता का मुख मा मंग्त्या की तक सी 
कख देखी होली
सुपन्यु व्हे होलू की बेम रे होलू
सुपन्यु व्हे होलू की बेम रे होलू

ह्युंदी का दिनो मा घाम निवाती सी छे वा
ह्युंदी का दिनो मा घाम निवाती सी छे वा
बाला का मन की स्याणी दुर्भाती सी छे वा
मरच्याणा खाणम खीर जन मीठी सी 
दूर परदेश मा घोरकी चिट्ठी सी 
कख देखी होली
सुपन्यु व्हे होलू की बेम रे होलू
सुपन्यु व्हे होलू की बेम रे होलू

ब्योउ बरात्यूं मा स्यालूँ की गाली सी छे वा
ब्योउ बरात्यूं मा स्यालूँ की गाली सी छे वा
नाती नातेणों  पर दादी अंग्वाली सी छे वा
कुगा का अगाड़ी भोजन थाली सी 
चोका का तिराली नारंगी डाली सी 
कख देखी होली
सुपन्यु व्हे होलू की बेम रे होलू
सुपन्यु व्हे होलू की बेम रे होलू
 
सुना की गोली मा मोत्यूं की माला सी छे वा
सुना की गोली मा मोत्यूं की माला सी छे वा
पाणी की तोली मा जुनू सोंड्याला सी छे वा
ओंसी की घनघोर राती मुर्छ्याली सी 
अँधेरा मन मा आस उज्याली सी 
कख देखी होली
सुपन्यु व्हे होलू की बेम रे होलू
सुपन्यु व्हे होलू की बेम रे होलू
इक्ही ई पृथ्वी मा ये ही जनम मा
देखी त छैंच कख देखी होली
रूप सी बांद जो बसीगे मन मा
रूप सी बांद जो बसीगे मन मा
देखी त छैंच कख देखी होली
कख देखी होली
सुपन्यु व्हे होलू की बेम रे होलू
सुपन्यु व्हे होलू की बेम रे होलू
सुपन्यु व्हे होलू की बेम रे होलू
सुपन्यु व्हे होलू की बेम रे होलू
 
 
SONG LINK:
https://www.youtube.com/watch?v=Gn172YPpUBU
 

 
KARAOKE LINK:
https://youtu.be/QwfDMuE0L9Q
 

समदोला का द्वी दिन समलौण्या ह्वे गेनी समधीणी तुमारा हाथु की रस्याण भै क्या ब्वन..

समदोला का द्वी दिन समलौण्या  ह्वे गेनी
समदोला का द्वी दिन समलौण्या ह्वे गेनी
समधीणी तुमारा हाथु की 
समधीणी तुमारा हाथु की
रस्याण भै क्या ब्वन..
समदोला का द्वी दिन समलौण्या ह्वे गेनी
समदोला का द्वी दिन समलौण्या ह्वे गेनी

बिस्तरो बिछिन्यु थौ, निवतु पलंग झपझुपु
बिस्तरो बिछिन्यु थौ, निवतु पलंग झपझुपु
बिनसिरि म गिलास मिली चाकु टपटुपु
बिनसिरि म गिलास मिली चाकु टपटुपु
हुक्का भरिकी समधीणी सिराणा धरी गैनि
समदोला का द्वी दिन समलौण्या  ह्वे गेनी
समदोला का द्वी दिन समलौण्या  ह्वे गेनी
समधीणी तुमारा हाथु की 
समधीणी तुमारा हाथु की
रस्याण भै क्या ब्वन..
समदोला का द्वी दिन समलौण्या ह्वे गेनी
समदोला का द्वी दिन समलौण्या ह्वे गेनी

गथ्वी गथोणी भाटो की भटवणि झंगोरू फरफुरु
गथ्वी गथोणी भाटो की भटवणि झंगोरू फरफुरु
मेण मसलू बी नाप तोली चरचुरु बरबुरु
मेण मसलू बी नाप तोली चरचुरु बरबुरु
लाल बूटी मर्च मुर्या कंठ खुल गैनी 
समदोला का द्वी दिन समलौण्या  ह्वे गेनी
समदोला का द्वी दिन समलौण्या  ह्वे गेनी

रेठु पल्यो ताता पिंडा बाड़ीक चटणी खटी मीठी
रेठु पल्यो ताता पिंडा बाड़ीक चटणी खटी मीठी
लसपसी निरपाणी की खीर अनगुलोकी चटा चटी
लसपसी निरपाणी की खीर अनगुलोकी चटा चटी
सारि फिर इथगा पाक पकवाण घलताणा व्हे गैनी 
समदोला का द्वी दिन समलौण्या  ह्वे गेनी
समदोला का द्वी दिन समलौण्या  ह्वे गेनी
समधीणी तुमारा हाथु की 
समधीणी तुमारा हाथु की
रस्याण भै क्या ब्वन..
समदोला का द्वी दिन समलौण्या  ह्वे गेनी
समदोला का द्वी दिन समलौण्या  ह्वे गेनी
 
सली समदणी का स्वाणा हाथोकु सगोर संगीता सरे
सली समदणी का स्वाणा हाथोकु सगोर संगीता सरे
सांखी पोट्गी भरेनी खे खेकी पण धीट नि भरे
सांखी पोट्गी भरेनी खे खेकी पण धीट नि भरे
लगडी पटूडी गुडा पेतुड वो याद रे गेनी
समदोला का द्वी दिन समलौण्या ह्वे गेनी
समदोला का द्वी दिन समलौण्या ह्वे गेनी

जांदी बगत बिदाई पिठई न्यूतू फिर आणा को
जांदी बगत बिदाई पिठई न्यूतू फिर आणा को
कल्यो दोपहर धरी जिद करी बाटमा खाणा को
कल्यो दोपहर धरी जिद करी बाटमा खाणा को
थोला भरी साग भुज्जी सगोड़ा की हाथो मा दे गेनी
समदोला का द्वी दिन समलौण्या ह्वे गेनी
समदोला का द्वी दिन समलौण्या ह्वे गेनी
समधीणी तुमारा हाथु की समधीणी तुमारा हाथु की
रस्याण भै क्या ब्वन..
समदोला का द्वी दिन समलौण्या ह्वे गेनी
समदोला का द्वी दिन समलौण्या ह्वे गेनी
समदोला का द्वी दिन समलौण्या ह्वे गेनी
समदोला का द्वी दिन समलौण्या ह्वे गेनी
SONG LINK:
https://www.youtube.com/watch?v=FW09Ko2tLhI
 

 
KARAOKE LINK:

https://youtu.be/1WGBcTFPQs8