भोल जब फिर रात खुलली धरती मा नयी पौद जमली पुराणा डाला ठंगरा ह्वे की नयी लगुल्यूं सारू द्‍याला मित नि रोंलू मेरा भूलों तुम दगीड़ी ये गीत राला

भोल जब फिर रात खुलली 
धरती मा नयी पौद जमली
पुराणा डाला ठंगरा ह्वे की 
नयी लगुल्यूं सारू द्‍याला
मित नि रोंलू मेरा भूलों 
तुम दगीड़ी ये गीत राला
मित नि रोंलू मेरा भूलों 
तुम दगीड़ी ये गीत राला
भोल जब फिर रात खुलली
 
इखी ये माटम जन्म्यू मी भी 
मेरी भी रै ब्वोटी अंगवाल
मेरी भी रै ब्वोटी अंगवाल
भारा खैरीका सरिन मिल भी 
मी भी हीटू उंधरी उकाल 
मी भी हीटू उंधरी उकाल
डालियुं कू छेल अर बाटों का गारा 
डालियुं कू छेल अर बाटों का गारा
मेरा हिट्याँ कि गवे दयाला
मित नि रोंलू मेरा भूलों 
तुम दगीड़ी ये गीत राला
भोल जब फिर रात खुलली
 
बरखा बर्खली घाम चमकलो 
सुख दुख आणा जाणा राला 
सुख दुख आणा जाणा राला
कुछ्ल्यूं मा हेंस्दा खेलदा ब्येटूला 
दयाख्दा दयाख्दा ब्वारी ह्वे जाला 
दयाख्दा दयाख्दा ब्वारी ह्वे जाला
भोल ये फूलमूंडया सासू बणी की 
भोल ये फूलमूंडया सासू बणी की 
नयी नयी ब्वारयूं रुवाला
मित नि रोंलू मेरा भूलों 
तुम दगीड़ी ये गीत राला
भोल जब फिर रात खुलली
 
बस्ग्याल रूज ह्युंद कौंपु 
मिल भी सै रूढ़्यूं की मार 
मिल भी सै रूढ़्यूं की मार
मिल भी बरती ऋतु बसंत 
में फरें बी ऐ मौलयार
में फरें बी ऐ मौलयार
मिल भी कैछे आस के  की 
मिल भी कैछे आस के की
ये डांडा कांठा छुंई लगाला
मित नि रोंलू मेरा भूलों 
तुम दगीड़ी ये गीत राला
भोल जब फिर रात खुलली
 
मेरा भी अपड़ा परया हर्चिनी 
मेला खौलों मा अचणचक 
मेला खौलों मा अचणचक 
मी भी रोऊँ भकोरा-भकोरी 
आँसू आंख्यूं मा रैनी जब तक
आँसू आंख्यूं मा रैनी जब तक
कौथिग यनी बी रेणा राला
कौथिग यनी बी रेणा राला
नया नया कौतिगैर आला
मित नि रोंलू मेरा भूलों 
तुम दगीड़ी ये गीत राला
भोल जब फिर रात खुलली
 
मिल भी सैनी फूल्वां कांडा 
गीत्वी माला गछ्याणू कू 
गीत्वी माला गछ्याणू कू
जण द्वी एक गीत मिलभी 
गैनी रुंदो हैसाणू कू 
गैनी रुंदो हैसाणू कू
हैंसदारा जब बिसरी जाला 
हैंसदारा जब बिसरी जाला
रुंदारा रवे रवे की संभलणा राला
मित नि रोंलू मेरा भूलों 
तुम दगीड़ी ये गीत राला
भोल जब फिर रात खुलली
 
SONG LINK:
https://www.youtube.com/watch?v=KtHNOq0wDrc
 
 
KARAOKE LINK:

https://youtu.be/tpXzOrKGIRY